Zyberaj në emisionin “Info Nata” në Tëvë1, tha se asnjëherë nuk ka pasur arkiv të UÇK-së.
“Nuk ka arkiv të UÇK-së, nuk ka pasur asnjëherë. Arkivi është i Kosovës. Nëse ne kur t’i bëjmë 50 dokumente, unë jam i sigurt që diçka është prodhuar nga UÇK-ja, nga shtabi i përgjithshëm, nga zonat etj, jam i sigurt, por ato nuk janë”, ka deklaruar ai.
Ai thotë se arkivi është i përgjithshëm dhe në kuadër të tij, pastaj hyn një fond për luftën e UÇK-së.
Po ashtu, Zyberaj u bën thirrje që kushdo që ka dokument të prodhuar të UÇK-së, le ta sjellin atë.
“Arkivi është i përgjithshëm dhe në kuadër të arkivit pastaj hyn është një fond për luftën e UÇK-së. Shfrytëzoj rastin kushdo që ka një dokument të prodhuar nga UÇK-ja le ta sjellin aty, ne i evidentojmë me procesverbal dhe në këtë mënyrë fillojmë gradualisht ta pasurojmë atë, mirëpo deri më tani nuk ka”, theksoi ai. /teve1.info/
