Qendrim Zyba shprehet i lumtur me fitoren ndaj Izraelit në Prishtinë, teksa potencon se paraqitja e lojtarëve të Superligës ishte e kënaqshme.
Mesfushori i kombëtares së Kosovës, Zyba thotë se nuk do ndalen duke punuar dhe duke dhuruar maksimumin në çdo ballafaqim.
“Është mirë që ne kemi fituar kundër Izraelit dhe kjo është shumë e rëndësishme, por edhe ne si futbollistë të Superligës kemi bërë paraqitje të mirë. Shpresoj që të qëndrojmë me këmbë në tokë, të japim maksimumin në çdo ndeshje dhe të rritemi gradualisht”, tha fillimisht Zyba për FFK.
Ai më pas foli edhe për ndeshjen me Zvicrën, ku tha se duan rezultat pozitiv, pasi kanë mundësi për një gjë të tillë.
Përballja me Zvicrën? Patjetër që ne do të japim gjithçka nga vetja sepse çdo ndeshje e vlerësojmë maksimalisht. Padyshim se Zvicra është një kundërshtar shumë i fortë, por ne mendojmë të japim maksimumin dhe pse jo të mos marrim rezultat pozitiv. Mendoj se kemi kualitet brenda grupit dhe kemi një atmosferë fantastike, prandaj pse të mos shpresojmë në rezultat pozitiv, kur i kemi mundësitë për ta arritur një gjë të tillë”, ka thënë Zyba.
