Deputeti i Lëvizjes Vetëvendosje, Salih Zyba ka publikuar një video në Facebook, në të cilën shihen pjesëmarrës disa persona të cilët në vitin 2016, kur aktivisti i Vetëvendosjes, Astrit Dehari kishe vdekur në Qendrën e Paraburgimit në Prizren mbanin pozita udhëheqëse në burgjet e Kosovës.
Në këtë video të cilin e ka publikuar Zyba, e që e ka titulluar “Rubrika -Lajmet që nuk jepen” por që nuk saktësohet kur është xhiruar e që sipas Zybës, është mbajtur në odën Naser Thaqit, Drejtor për Siguri në Burgun e Sigurisë së Lartë, shihet edhe një nga figurat e rëndësishme të PDK-së, Azem Syla.
Në video është edhe Nexhmi Krasniqi, polic që sipas përshkrimit që i është bërë në video, “ishte i pari që kishte deklaruar se Astrit Dehari ka bërë vetëvrasje”.
Poashtu i pranishëm është edhe Rasim Selmani, ish-zëvendësdrejtor i Burgjeve të Kosovës, “I degraduar se fundi nga Ministria e Drejtësisë”, thuhet në video.
Aty është edhe Idriz Shabani zëvendësdrejtor i Burgut të Sigurisë së Lartë, vëlla i deputetit të PDK-së, Isak Shabani.
Burim Buleshkaj është një nga figurat që shihet në këtë vidoe, aty thuhet se ai ishte larguar nga puna tre muaj me parë nga pozita e ushtruesit të Drejtorit të Burgjeve të Sigurisë së Lartë për shkelje në rastin e Deharit.
“Personi që ka bartur kamerat e sigurisë nga Prizreni në Prishtinë në rastin e Astrit Deharit”, thuhet në video për Buleshkajn.
Vetëvendosje ka akuzuar pushtetin e atëhershme për vrasje të Astrit Deharit. Ai ishte në paraburgim i cili së bashku me disa aktivistë të kësaj partie akuzoheshin për sulm ndaj objektit të Kuvendit. Për këtë rast aktivistët e VV-së në atë kohë opozitare ishin shpallur të pafajshëm./teve1.info/
