Mesfushori Qëndrim Zyba është plotësisht gati ta dëshmoj veten edhe me fanellën e Legia Varshavës.
Zyba të enjten u huazua te Legia nga Ballkani i Suharekës deri në fund të këtij edicioni, ndërsa ekipi nga Polonia e ka opsionin e blerjes së tij në verë.
Në intervistën e tij të parë si futbollist i Legias, Zyba ka thënë se është krenar që të do të jetë pjesë e ekipit më të madh të Polonisë dhe me padurim pret ta dëshmoj veten para tifozëve të klubit.
Mbi të gjitha, Zyba ka shtuar se kalimi te Legia është një ëndërr e përmbushur për të cilën ka kohë që ka punuar. “Dua ta tregoj veten në fushë dhe të jap gjithçka për këtë edicion. Tani kam gjetur vendim tim të ëndrrave dhe nuk mund të imagjinoja një dhuratë më të mirë për ditëlindje se kalimi te Legia”, ka thënë Zyba, i cili të shtunën mbush 23 vjet.
Zyba ka fituar dy tituj kampioni në Kosovë me Ballkanin dhe Prishtinën, ndërsa ka edhe katër paraqitje me fanellën e Kosovës.
