Zvicra nuk ka arritur më shumë se një barazim në duelin e dytë të Grupit A në “Euro 2024”.
Të mërkurën mbrëma, Zvicra luajti 1:1 kundër Skocisë dhe atë falë golit të Xherdan Shaqirit. Në fakt, Shaqiri ia siguroi Zvicrës pikën ndaj Skocisë.
Ai shënoi supergol në minutën e 26-të për të barazuar shifrat 1:1. Skocia kaloi në epërsi në minutën e 13-të me anë të mesfushorit Scott McTominay, por nuk arriti ta mbaj deri në fund të takimit.
Shaqiri ishte titullar dhe luajti deri në minutën e 60-të, ku u zëvendësua me Breel Embolo. Ndërkohë, kapiteni Granit Xhaka luajti gjatë tërë ndeshjes në këtë përballje. Ardon Jashari edhe këtë takim e shikoi nga stoli pasi nuk u aktivizua fare.
Me këtë barazim, Zvicra ka tubuar katër pikë kurse Skocia ka vetëm një pikë. Duelin e radhës, Zvicra e luan javën tjetër kundër Gjermanisë.
Ndërkohë, Skocia përballet me Hungarinë dhe është në garë për të kaluar grupin.
Xherdan Shaqiri 💥
Goal of the tournament 🔥#SCOSUI #EURO2024 pic.twitter.com/xKyiL59tBr
— Sideline Recaps (@SidelineRecaps) June 19, 2024
