Aktualisht Zvicra nuk ka ligj që i bën të detyrueshme gomat e dimrit, por në rast aksidenti, shoferët rrezikojnë të penalizohen nga sigurimi i tyre nëse automjetet e tyre nuk janë të përshtatshme për rrugë – domethënë të gatshme për kushtet e motit.
Tani deputetja Gabriela Suter po krijon një mocion parlamentar që do t’i bënte këto goma të detyrueshme, për arsye sigurie, midis tetorit dhe shkurtit, në gjithë vendin.
“Është e rëndësishme që kjo të përfshihet në ligj, në mënyrë që policia të mund të kryejë kontrolle parandaluese dhe të sanksionojë njerëzit në përputhje me rrethanat”, tha ajo.
Megjithatë, jo të gjithë në parlament pajtohen me kornizën kohore të propozuar.
Deputeti Benjamin Giezendanner, për shembull, vuri në dukje se tetori mund të jetë mjaft i ngrohtë për t’i bërë të tepërta gomat e dimrit, kështu që përcaktimi i një periudhe fikse për gjithë vendin është absurde, veçanërisht pasi bora në përgjithësi bie fillimisht në male dhe vetëm më vonë në lartësi të ulëta./Albinfo.ch
