Kuvendi Komunal i Zveçanit sot ka votuar pro bashkimit të kësaj komune në Asociacionin e Komunave të Kosovës.
Kështu ka bërë të ditur Lëvizja Vetëvendosje në faqen e tyre në Facebook, teksa sipas tyre, se ky vendim u bë me iniciativën e asamblistëve të VV-së.
“Me iniciativën e asambleistëve të Lëvizjes VETËVENDOSJE!, ashtu si Zubin Potoku dje, edhe Kuvendi Komunal i Zveçanit sot votoi pro bashkimit të kësaj komune në Asociacionin e Komunave të Kosovës”, thuhet në njoftim.
Ndryshe, Kuvendi Komunal i Leposaviqit dje ka votuar pro anëtarësimit të kësaj Komune në Asociacionin e Komunave të Kosovës.
Një vendim të ngjashëm i kishte marrë edhe komuna e Mitrovicës së Veriut, e cila pas procedurave të parapara është pranuar në AKK.
Sipas procedurave vendimi i Kuvendit Komunal do të dërgohet në Ministrinë e Administrimit të Pushtetit Lokal, për vlerësim të ligjshmërisë dhe pastaj pritet të dërgohet tek Asociacioni i Komunave të Kosovës për shqyrtim./teve1.info./
