Që nga fundi i muajit mars, Banka Qendrore e Kosovës është duke u udhëhequr nga një ushtrues detyre.
E konkursi i hapur për guvernator, siç bën të ditur deputeti nga radhët e PDK-së, Mërgim Lushtaku, është kthyer në piken zero, për shkak të shkeljeve të shumta.
Lushtaku, si anëtar i Komisionit për Buxhet në Kuvendin e Kosovës kërkon edhe shkarkimin e anëtarëve të Bordit të BQK-së.
E sipas profesor të ekonomisë, zvarritja e emërimit të guvernatorit të BQK-së, mund të ndikojë negativisht edhe tek investimet e huaja në vend.
Banka Qendrore aktualisht menaxhohet nga guvernatori i përkohshëm, Bashkim Nurboja.
Tëvë 1 ka provuar të marrë një qëndrim nga Banka Qendrore e Kosovës, lidhur me ecurinë e zhvillimeve rreth zgjedhjes së guvernatorit të ri, mirëpo për shkak se Nurboja ka qenë jashtë vendit nuk është marrë asnjë përgjigje nga ky institucion.
Kronika e gazetares Doresa Geci.
