Për këtë çështje, Veton Zuka nga Shoqata e Gastronomëve tha se Komuna tashmë ka futur në tarifë të pagesës 3 muajshin e verës.
“3 muajshin e verës veçse e kanë futur në tarifë të pagesës, deri tani kemi qenë të liruar nga pagesa. Në takimin e fundit që e kemi pasur me kryetarin e Prishtinës Përparim Ramën, ne jemi munduar të merremi vesh që së paku edhe në këtë vit, të jemi të liruar nga pagesa për shfrytëzimin e hapësirave. Mirëpo, është marrë një vendim pa ndonjë diskutim shtesë për të cilën ne nuk ishim në dijeni. Ne kemi pritur që së paku edhe këtë verë të mos paguajmë pasi kemi dalë nga një periudhë e vështirë”, tha ai në emisionin “Ditari”.
Zuka për Tëvë1 bëri të ditur se gastronomët nuk e kanë pritur mirë këtë vendim. Teksa shtoi se ata do të kërkojnë informata shtesë se si kanë arritur deri tek ky vendim pa u konsultuar me ta.
