Bordi i Zyrës së Rregullatorit për Energji e Kosovës (ZRrE), sot në seancën e tretë për këtë vit ka miratuar Rregullën për vetëkonsumatorët me burime të ripërtëritshme.
Në këtë seancë, Bordi ka marrë vendim për dhënien e autorizimit për ndërtim të projektit solar prej 150 MW në Komunën e Gjakovës për ndërmarrjen Solar Energy Group Europe, dhënien e autorizimit për ndërtim të projekteve tjera Solare me 1 MW për ndërmarrjen Eling Grup, si dhe Energy Development Grup prej 6 MW.
“Me hyrjen në fuqi të kësaj rregulle, konsumatorët e energjisë elektrike të të gjitha niveleve të tensionit mund të fitojnë statusin Prosumator apo Vet-Konsumues, si dhe do të kompensohen me anë të faturimit neto për energjinë që ata injektojnë në rrjet”, thuhet në njoftimin e ZRrE-së.
Po ashtu, Bordi ka trajtuar kërkesat për Wind Park Zatric me kapacitet total të dy projekteve prej 70 MË të cilat do të trajtohen sipas kornizën së rregulluar.
Gjithashtu, në këtë seancë Bordi miratuar kërkesat për dhënie të licencave për ndërmarrjet Eurosol&Energy LTD, MCM COMMODITIES dhe MONTING./teve1.info/
