Zyra e Rregullatorit për Energji ka njoftuar se energjia elektrike është shtrenjtuar për rreth 16%.
Sipas ZRRE-së rritja mesatare e tarifave për të gjitha kategoritë e konsumatorëve është bazuar në të Hyrat e Lejuara Maksimale.
“Më 11.04.2025, Bordi i Zyrës së Rregullatorit për Energji ka mbajtur seancën e tretë për vitin 2025. Në këtë seancë, Bordi i ZRRE-së ka shqyrtuar dhe aprovuar të Hyrat e Lejuara Maksimale për operatorët e licencuar, si në vijim: Kërkesa/propozimi fillestar i KOSTT-it për të Hyrat e Lejuara Maksimale për OST/OT – ka qene 101.878 mil€ ndërsa ZRRE i ka aprovuar këto të hyra në vlerën prej 88.198 mil€; Kërkesa/propozimi fillestar i KEDS-it për të Hyrat e Lejuara Maksimale për OSSH ka qenë 214.45 mil€ ndërsa ZRRE i ka aprovuar këto të hyra në vlerën prej 180.653 mil€; Kërkesa/propozimi fillestar i KESCO-s për të Hyrat e Lejuara Maksimale për FSHU ka qene 447.626 mil€ ndërsa ZRRE i ka aprovuar këto të hyra në vlerën prej 435.626 mil€, ku përfshihen operatorët e licencuar OSSH dhe OST/OT.
Rritja mesatare e tarifave për të gjitha kategoritë e konsumatorëve bazuar në të Hyrat e Lejuara Maksimale është rreth 16%”, thuhet në komunikatën e lëshuar pas mbledhjes së Bordit.
Ndërkohë, ZRRE-ja ka njoftuar se është finalizuar dhe publikuar Raporti Përfundimtar për të Hyrat e Lejuara Maksimale për vitin 2025, në përputhje me kornizën ligjore dhe rregullative në fuqi.
