Me aksione të bastisjes në dy lokacione, ka nisur mëngjesi i së hënës. Cak i Zyrës së Prokurorit të Specializuar ishin ish këshilltari i ish presidentit Thaçi, Blerim Shala dhe ish shefi i AKI-së, njëherës ish këshilltar i Thaçit, Bashkim Smakaj.
Me mëngjes filluan bastisjet në dy lokacione.
Në shtëpinë e ish shefit të AKI-së, njëherësh ish këshilltarin e ish presidentit Thaçi, Bashkim Smakaj dhe ish këshilltarit tjetër Blerim Shala, nisën bastisjet nga Zyra e Prokurorit të Specializuar.
Zhvillimin e këtyre operacioneve e konfirmoi edhe ZPS.
“Zyra e Prokurorit të Specializuar është duke zhvilluar operacione të vazhdueshme në Kosovë. Operacionet e ZPS – së po mbështeten nga Policia e Kosovës dhe Misioni i Bashkimit Evropian për Sundimin e Ligjit në Kosovë (EULEX)”, deklaroi zëdhënësi i zyrës së Prokurorit të Specializuar, Christopher Bennet.
Bastisjet zgjatën disa orë, ku në hyrje qëndronte Policia e Kosovës.
Pasi që u kryen bastisjet ka folur avokati i Smakajt edhe Shalës.
Qerkini potencon se bazuar në funksionin që Smakaj ka pasur, bastisjet e sotshme janë të pakuptimta.
Të pakuptimta këto bastisjeve janë edhe sipas familjarëve të Smakaj.
Aksione të tilla bastisjesh, janë intensifikuar kohëve të fundit, derisa u konfirmua edhe një aktakuzë ndaj dy personave për ndikim në dëshmitarë.
