Një veturë e tipit BMW me targa vendore është përfshirë nga flakët në orët e vona të së shtunës në Lipjan, në parkingun e një ndërtese.
Rasti është konfirmuar nga Policia e Kosovës, e cila ka njoftuar se vetura ishte pronë e një gruaje me shtetësi kosovare. Fatmirësisht, nuk është raportuar për persona të lënduar.
“ZJARRVËNIE – Lipjan / 27.09.2025 – 23:20. Raportohet se në parkingun e ndërtesës është përfshirë nga zjarri vetura BMË me targa vendore, pronë e viktimës femër kosovare. Në vendin e ngjarjes kanë dalë njësitë përkatëse, ndërsa ekipi zjarrfikës ka lokalizuar zjarrin. Nuk raportohet për të lënduar. Rasti në procedurë hetimore,” thuhet në raportin policor.
Autoritetet kanë nisur hetimet për të zbuluar shkaqet e zjarrit dhe nëse bëhet fjalë për zjarrvënie të qëllimshme apo ndonjë defekt teknik.
