Autori: Adea Mustafaj
Rezervari i ujit me të cilin ujit të mbjellurat i është bërë shkrumb e hi Mehde Raçit nga fshati Bërnicë e Prishtinës.
Atij i janë dëmtuar edhe fidanet e specave.
Poashtu zjarri i ka djegur edhe disa pisha në oborr si dhe i ka shkaktuar dëme në njërën pjesë të shtëpisë.
Pronari i tyre, thotë që dëmi kap vlerën e rreth një mijë eurove.
“Mu kanë kall pishat krejt, deri te sera atje posht ku e kom seren me speca. U kall, ma nuk kom sen mo në to”, ka thënë Raçi.
Ai thotë që dyshon se zjarri u ndez shkak i një cigareje që dyshohet se e hodhi një kalimtar.
E zëvendëskomandati i Zjarrfikësve në Prishtinë, Abdusamet Shkodra u shpreh se nga janari deri më sot janë regjistuar 1201 raste zjarrit.
Sipas tij, shkak për këto shpesh është faktori njeri.
“Mbi të gjitha këtyre ju kontribon faktori njeri. Me dashje apo pa dashje faktori njeri është faktori që i shtinë në funksion këto zjarre ne vetëm dje kishim shumë zjarre, qysh e thash edhe ma nalt 30 zjarre nga to shihet që fillojnë ndoshta edhe nga hudhja e këtyre majave të cigareve dhe krijohet një zjarr ai zjarr masanej po krijon edhe rreziqe ku po rrezikon edhe pronat e qytetarëve edhe qytetartë, masandej edhe neve po na nxjerr shumë probleme. Ne çfarë do kapaciteti që kemi nuk mund të ja dalim me këtë farë dmth qysh është tu shku kjo punë. Ne psh 2 milion shpijave të ju qojm kamiona ose zjarrfiksa t’i ruajm nga këto zjarre të qëndrushme”, ka thënë Shkodra.
Ai gjithashtu ju bënë apel qytetarëve që të jenë më të kujdesshme.
“Rekomandimet ose apelet në vazhdimësi kanë qenë edhe në vitet paraprake edhe tash. Edhe nga Agjencioni për Menaxhimin të Emergjencave, edhe nga ne edhe nga Drejtoria për Siguri dhe Emergjenca, pra të Komunës së Prishtinës gjithmonë kemi bo apel që qytetar të jenë të kujdesshëm vigjilent mos të shkaktojnë zjarre pa pas nevojë. Kollaj është për me kriju një zjarr, neve po na shkon ekipe të tëra, kohë të gjatë dhe po është problem t’i fusim në kontroll dhe po shkaktojnë dëme të pa konsiderueshme”, ka thënë tutje Shkodra.
Agjencia për Menaxhim Emergjent ka bërë të ditur që sot gjithsej janë dhjetë (10) vatra aktive të zjarrit në sipërfaqe të hapura fushore dhe malore në disa komuna.
Ndërkohë, në Komunën e Skenderajt në fshatin Llaushe, zjarri aktiv u intervenua nga Njësia Profesionale e Zjarrfikës dhe Shpëtimit (NJPZSH) Skenderaj, deri sa me koordinimin e Agjencisë Menaxhimit Emergjent është ofruar ndihma edhe nga ajri me helikopter,nga kapacitetit i KFOR-it.
