Brenda 24 orëve të fundit janë raportuar disa zjarre në vende të ndryshme të Kosovës.
Në Brestovik të Pejës, një shtëpi është kapluar nga zjarri dhe pastaj zjarri ka filluar të përhapej edhe në një shtëpi tjetër.
Bëhet e ditur se policia, zjarrfikësit edhe banorët kanë arritur t’a shuajn zjarrin në tërësi, raporton teve1.info
Nga ky rast nuk ka të lënduar.
“Brestovik, Pejë / 04.09.2024 – 13:50. Njësitet policore pas pranimit të informatës lidhur rastin, kanë dalë në vendin e ngjarjes dhe kanë vërejtur një shtëpi që e kishte kapluar zjarri dhe kishte filluar të përhapej edhe në një shtëpi tjetër. Njësitet policore, zjarrfikësit s’ bashku edhe me banorët kanë shuar zjarrin në tërësi. Të lënduar nuk ka, ndërsa lidhur me rastin është informuar edhe prokurori. Rasti duke u hetuar”, – thuhet në raport.
Kurse, në Zoqishtë të Rahovecit si pasojë e zjarrit janë djegur rreth 10 hektarë pronë private e shoqërore.
Ndërsa zjarrëfikësit kanë dal në vendin e ngjarjes dhe pas disa orëve kanë shuar zjarrin.
“Zoqishtë, Rahovec / 04.09.2024 – 11:57. Si pasojë e një zjarri që ka shpërthyer për shkaqe të panjohura janë djegur rreth 10 hektarë pronë private dhe shoqërore (pyje me bagrem, vreshta dhe trupa të arrave). Zjarrfikësit kanë dalur në vendin e ngjarjes dhe (pas disa orëve) kanë shuar zjarrin në tërësi. Është njoftuar prokurori, rasti është duke u hetuar”, thuhet në raport.
E në Lipovicë të Zveçanit një person ka raportuar se i janë djegur 350 trupa të kumbullave, rreth 20 ari mal dhe një objekt përcjellës i shtëpisë, si pasojë e një zjarri që ka shpërthyer pë shkaqe të panjohura.
Digjen 350 trupa të kumbullave, rreth 20 ari mal dhe një objekt në Zveçan
