Një stallë e lopëve është përfshirë nga zjarri të shtunën në fshatin Lubizhdë të Prizrenit.
Si pasojë e zjarrit kanë ngordhur tetë lopë që ishin brenda, ka bërë të ditur Policia e Kosovës.
Në vendin e ngjarjes kanë dalë njësitë përkatëse policore, ndërsa ekipet e zjarrfikësve kanë luftuar për shuarjen e zjarrit.
“Raportohet se është përfshirë nga zjarri një stallë e lopëve pronë e ankuesit m/k. Në vendin e ngjarjes kanë dalë njësitë përkatëse policore, ndërsa ekipet e zjarrfikësve janë duke tentuar ta shuajnë zjarri. Si pasojë, tetë lopë kanë ngordhur”, thuhet në raportin 24-orësh të Policisë./teve1.info./
