Kampionia e Kosovës në futboll, FC Drita, ka prezantuar dy transferime të enjten mbrëma.
Mesfushori 19-vjeçar Mamadou Ben Zidane i është bashkuar Dritës nga SC Bastia e Francës, si dhe mbrojtësi shqiptar Jorgo Pëllumbi.
“FC Drita ka kënaqësinë të njoftojë transferimin e lojtarit të ri në radhët tona, Mamadou Ben Zidane. Mesfushori 19-vjeçar i bashkohet klubit tonë nga ekipi francez SC Bastia, duke sjellë energji të re dhe potencial të madh për të ardhmen”, ka shkruar Drita në faqen zyrtare.
Për Pëllumbin, klubi ka bërë të ditur se ka angazhuar një mbrojtës me përvojë.
“25-vjeçari, i cili ka përvojë në kampionatin shqiptar, kroat e hungarez, i bashkohet klubit tonë për të forcuar repartin defansiv. Pëllumbi është gjithashtu ish-përfaqësues i Shqipërisë U21 dhe njihet për qëndrueshmërinë dhe vendosmërinë e tij në fushë”.
