Sot ishte javë më parë Hamasi nisi sulmin e tij të paprecedentë ndaj Izraelit, raporton BBC, përcjellë teve1.info
Qindra persona u vranë, duke bërë që Izraeli të nisë sulme ajrore kundër Gazës, duke vrarë pastaj qindra palestinezë.
Mes tensioneve izraelito-palestineze në rritje, militantët e Hamasit nisën një sulm ndaj Izraelit, me luftëtarët e tij që hynë në komunitetet pranë Rripit të Gazës, ku më shumë se 1300 njerëz u vranë dhe deri në 150 u morën peng.
Izraeli nisi një fushatë bombardimi kundër Gazës pas kësaj, duke vrarë rreth 2,000 njerëz dhe duke zhvendosur rreth 338,000 të tjerë.
Një bllokadë totale u zbatua edhe në Gaza nga Izraeli, me karburant, ushqim dhe ujë në mbarim. Nga Izraeli u tha se rrethimi nuk do të përfundonte derisa pengjet izraelite të liroheshin.
Izraeli ka grumbulluar dhjetëra mijëra ushtarë, duke përfshirë rreth 300,000 rezervistë, në kufirin e tij me Gazën.
Ndërsa, rreth 1.1 milionë njerëzve që jetojnë në Rripin verior të Gazës u është thënë të evakuohen nga jugu përpara një ofensive të pritshme tokësore nga forcat izraelite, që këtë OKB e quajti urdhër “të tmerrshëm”.
Hamasi u zotua të luftojë deri në pikën e fundit të gjakut dhe u tha banorëve të qëndrojnë .
Ndërkaq, ushtria izraelite tha të premten se trupat e mbështetur nga tanket kishin kryer bastisje për të goditur ekuipazhet palestineze të raketave dhe për të mbledhur informacion mbi vendndodhjen e pengjeve, raporti i parë zyrtar i trupave tokësore në Gaza që nga fillimi i krizës.
Gjithashtu, është raportuar se një dron izraelit vrau një numër militantësh që u përpoqën të depërtonin në Izrael nga Libani.
