Reprezentuesi i Kosovës, Edon Zhegrova ka gjasa të mëdha që në ditët e fundit të afatit kalimtar të verës të transferohet në Itali.
Roma është skuadra që mbetet e interesuar për shërbimet e Zhegrovës dhe po e monitoron situatën e futbollistit të Lillet.
Në fakt, Roma po e sheh Zhegrovën si zëvendësim ideal për Paulo Dybalan, i cili pritet të largohet nga Italia për të vazhduar karrierën në Lindjen e Mesme.
Mediumet italiane kanë raportuar se Dybala po e shqyrton një ofertë të majme nga Arabia Saudite dhe po ashtu, Roma po mendon ta pranoj ofertën për argjentinasit.
Romës i janë ofruar mbi 20 milionë euro, ndërsa Dybala ka para vetes kontratë dyvjeçare me pagë vjetore prej 20 milionë eurosh.
Në anën tjetër, Roma është gati të ofroj 15 milionë euro për Zhegrovën, i cili ka kontratë me Lillen deri në vitin e ardhshëm.
Këtë sezon, Zhegrova ka shënuar 1 gol kurse sezonin e shkuar ishte lojtari kryesor i ekipit francez, ku në 47 paraqitje ka realizuar 12 gola dhe ka bërë 10 asistime.
