Paraqitjet e mira të Edon Zhegrovës te skuadra e Lillet nuk kanë të ndalur, ndërsa sulmuesi kosovar po merr lëvdata gjithnjë e më shumë.
E këto suksese të tij, kanë bërë që Zhegrova të përfshihet në ekipin e xhiros së fundit në Ligue 1.
Zhegrova ishte protagonist në fitoren e thellë të Lillet 4:0 ndaj Clermontit vikendin e shkuar, ku kontribuoi me një gol dhe asistim.
24-vjeçari është njëri prej lojtarëve më të rëndësishëm këtë edicion te skuadra franceze, ndërsa këtë edicion ka shënuar 8 gola dhe ka asistuar 9 herë në të gjitha ndeshjet. Ai është pjesë e Lillet prej janarit të vitit 2022 dhe me këtë ekip ka kontratë deri në verën e vitit 2026.
