Barcelona është skuadra e fundit që po e monitoron situatën e Edon Zhegrovës te Lille, kanë raportuar mediumet spanjolle të hënën.
Bëhet e ditur se ylli i Kosovës, ka tërhequr vëmendjen e skautëve të Barcelonës dhe gjasat janë të mëdha që gjiganti spanjoll të bëjë ofertë për transferimin e tij në verë.
Paraqitjet e mira të Zhegrovës me fanellën e Lillet, kanë bërë që 26-vjeçari të shihet si përforcim i duhur te Barcelona, ndonëse po monitorohet edhe nga shumë skuadra tjera të mëdha evropiane.
Zhegrova në fund të sezonit do të largohet nga Lille pasi ka refuzuar ta rinovoj kontratën që i skadon verën tjetër, ndërsa ekipi francez për kartonin e tij po kërkon rreth 30 milionë euro.
Zhegrova është pjesë e Lillet prej vitit 2022 kur iu bashkua nga skuadra e Baselit, ndërsa këtë sezon ka shënuar 8 gola dhe ka bërë 2 asistime në 21 paraqitje në të gjitha garat.
Sulmuesi i krahut, pritet të rikthehet këtë javë në fushë pasi është rikuperuar nga lëndimi që e mbajti për tre muaj jashtë fushës.
