Mediume të ndryshme në Francë kanë raportuar se Paris Saint-Germaini, po e synon Edon Zhegrovën ta transferoj gjatë verës. Kalimi i Zhegrovës nga Lille te skuadra e PSG-së, është i mundshëm gjatë afatit kalimtar veror, kanë shkruar të mërkurën “wyfoot.fr” dhe “Foot Sur 7”.
Zhegrova po i mungon Lillet shkaku i lëndimit të pësuar më 14 dhjetor, në barazimin 1:1 ndaj Marseillet në “Velodrome”.
Për Zhegrovën, telashet në ije erdhën në kohë shumë të keqe.
Para lëndimit, 26-vjeçari Zhegrova po kalonte superformë.
Në 21 ndeshjet e zhvilluara këtë edicion, Zhegrova, ka kontribuar me tetë gola dhe dy asistime. Kishte shkëlqyer në Ligën e Kampionëve ndaj Real Madridit dhe skuadrave tjera të mëdha.
