Edon Zhegrova është kthyer në stërvitje te Lille dhe ka gjasa të përfshihet në ekip për ndeshjen kampionale kundër Lorientit në vikend.
Zhegrova tashmë i është bashkuar pjesës tjetër të ekipit në stërvitjet e përbashkëta, pasi është rikuperuar nga lëndimi i këmbës që e pësoi në fillim të këtij muaji.
Shkaku i lëndimit, Zhegrova i mungoi ekipit francez në dy ndeshjet e fundit, si dhe nuk ishte i grumbulluar me Kosovën për duelet e Ligës së Kombeve.
23-vjeçari këtë edicion ka pesë paraqitje kampionale për Lillen, që të dielën është mysafir i Lorientit në kuadër të xhiros së nëntë. Aktualisht, Lille zë vendin e tetë në tabelë me 13 pikë të mbledhura.
