Pas mungesës prej tre muajve dhe humbjes së 18 ndeshjeve me Lillen, Edon Zhegrova më në fund po rikthehet në fushën e lojës.
Mësohet se ylli i Kombëtares së Kosovës, do të jetë i gatshëm për duelin e Lillet me Lensin që i takon kampionatit francez dhe zhvillohet më 30 mars.
Zhegrova i ka munguar Lillet prej nëntorit të vitit të shkuar, por 25-vjeçari tashmë është rikthyer në stërvitje me pjesën tjetër të ekipit dhe po bëhet gati për ndeshjen e 30-të marsit.
Shkaku i lëndimit të muskulit aduktor, Zhegrova i mungon edhe Kombëtares së Kosovës në dy ndeshjet e play-offit të Ligës së Kombeve kundër Islandës.
Në 21 ndeshje të luajtura këtë sezon me Lillen, Zhegrova ka shënuar 8 gola dhe ka bërë 2 asistime në të gjitha garat.
