Një person është raportuar i zhdukur në komunën e Suharekës, që nga data 1 tetor. Lajmin e ka konfirmuar Policia e Kosovës, e cila ka njoftuar se viktima është larguar nga shtëpia dhe që nga ajo ditë nuk ka asnjë informacion për vendndodhjen e tij.
“Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj,” thuhet në raportin 24-orësh të Policisë së Kosovës.
Rasti është duke u trajtuar nga njësitet përkatëse dhe tashmë është hapur si “person i zhdukur”, ndërsa hetimet janë në zhvillim.
Policia nuk ka dhënë më shumë detaje lidhur me identitetin apo rrethanat e largimit të personit të zhdukur, ndërsa u bëhet thirrje qytetarëve që mund të kenë informacion të kontaktojnë autoritetet përmes kanaleve zyrtare.
“Rasti është nën hetime,” përfundon njoftimi i Policisë së Kosovës.
