Një person është raportuar si i zhdukur në fshatin Llabjan të komunës së Novobërdës, ka bërë të ditur Policia e Kosovës.
Sipas raportit zyrtar, më 14 tetor 2025, rreth orës 15:00, një qytetar ka njoftuar policinë se vëllai i tij, i cili vuan nga probleme mendore, është larguar nga shtëpia dhe që nga ajo kohë familjarët nuk kanë pasur asnjë informacion për vendndodhjen e tij.
Policia ka konfirmuar se rasti është duke u hetuar, ndërsa janë ndërmarrë veprimet e nevojshme për gjetjen e personit të zhdukur.
Autoritetet u kanë bërë thirrje qytetarëve që, nëse kanë ndonjë informacion që mund të ndihmojë në gjetjen e tij, të lajmërojnë menjëherë në numrin emergjent 192 ose në stacionin më të afërt policor.
