Kalimin në finalen e Ligës së Kampionëge e feston padyshim edhe Steven Zhang, presidenti kinez i Interit, që nuk e fsheh lumturinë për këtë arritje.
Finalja – Arritja më e madhe pas titullit kampion dhe tërësisht e merituar. Komplimentoj të gjithë për punën e bërë. Në fillim të sezonit besonte vetëm Lukaku te finalja dhe të gjithë e shikonim si të çmendur.
Triumfi në Champions – Finalja zgjat 90 minuta dhe gjithçka mund të ndodhë. Jemi gati ta luajmë, por ka kohë deri atëherë.
E ardhmja e Suning te Interi – Jemi këtu prej 7 vitesh dhe kemi mbajtur skuadrën në nivele të larta. Për sa kohë jemi ne, Interi do të luajë gjithmonë për objektiv madhorë.
Inzaghi – Kam punuar me shumë trajnerë, por ai është fantastik. Është gjithmonë i qetë, në fitore e në humbje, ndaj do të qëndrojë gjatë në stolin e Interit. Pastaj, është i vetmi që nuk më kërkon lojtarë.
