Intervistimi i ministrit në detyrë të Bujqësisë, Faton Peci nga Prokuroria Speciale është duke vazhduar ende.
Peci po hetohet nga organet e hetuesisë pas bastisjes që Policia e Kosovës të martën ka kryer në katër lokacione të Ministrisë së Bujqësisë.
Ndërkohë, Prokuroria Speciale është duke intervistuar edhe kryeshefin e Agjencisë së Ushqimit dhe Veterinarisë (AUV), Bekim Hoxha.
Para pak çastesh, në Prokurori ka arritur avokati i tij, Artan Qerkini i cili e ka bërë të ditur lajmin.
Ndryshe, gjatë ditës Prokurori i rastit, Admir Shala, në një deklaratë për mediat nga AZHB-ja ka thënë shkurt se Prokuroria Speciale ka nisur hetim lidhur me dhënien në shfrytëzim me qira të fabrikës për përpunimin e nënprodukteve shtazore.
“Prokuroria Speciale ka filluar një hetim lidhur me dhënien në shfrytëzim të fabrikës për përpunimin e nënprodukteve shtazore, hetimi është duke u zhvilluar në lidhje me dyshimet për dhënien me qera të kësaj fabrike. Jemi në fazën e hetimit, jemi duke i zhvilluar bastisjet dhe kontrollet në bazë të urdhrit të gjyqtarit të procedurës paraprake të Gjykatës Themelore në Prishtinë me kërkesë të Prokurorisë Speciale. Janë duke u bastisur Ministria e Bujqësisë, Agjencia për Zhvillim Bujqësor, Agjencia për Ushqimin dhe Vetenari dhe Lokacioni i Kompanisë përfituese e kontratës”, ka deklaruar ai./teve1.info/
