Për të gjithë qytetarët nga Lugina e Preshevës, që jetojnë në Gjilan, Komuna e Gjilanit u ka siguruar transportin për zgjedhjet parlamentare të 17 dhjetorit në Serbi.
Kështu ka njoftuar kryetari i Komunës, Alban Hyseni, raporton teve1.info
Hyseni ka ftuar për mobilizim “për të vazhduar betejën për të vërtetën e shqiptarëve të Luginës së Preshevës”.
“Të dashur bashkëqytetarë nga Lugina e Preshevës, Ju njoftojmë se komuna e Gjilanit ka siguruar transportin për të gjithë ju që jetoni e veproni në Gjilan, për në zgjedhjet e jashtëzakonshme parlamentare të 17 dhjetorit në Serbi. Për më shumë informata, ju lutemi të drejtoheni tek Zyra për Preshevë, Medvegjë dhe Bujanoc në kuadër të komunës së Gjilanit”, ka shkruar ai në Facebook.
