Katër komunat veriore të Republikës, pas kësaj stinës së verës, pritet të shkojnë përsëri në zgjedhje të jashtëzakonshme.
Kjo, ujdi ishte në mesin e pikave të marrëveshjes për deeskalim që u arrit të hënën në Bratisllavë mes Kosovës dhe BE-së.
Ekzekutivi thotë se shkuarja në zgjedhje mund të bëhet vetëm në bazë të kuadrit ligjor të Kosovës.
Por, nga dy mundësitë që jep ligji, analistja Arta Tahiri, thotë se më efikasja është dorëheqja e kryetarëve aktual.
Ndërsa, njohësja e çështjeve politike, Donika Emini thotë se mospjesëmarrja eventuale e serbëve në zgjedhje, mund ta dështojë marrëveshjen për deeskalim.
Një aspekt tjetër që implikohet me një rëndësi të madhe në këtë proces që pritet të mbahet në vjeshtë, është edhe ai i sigurisë. Çështje kjo për shkak të së cilës zgjedhjet e fundit ishin shtyrë disa herë.
