Shefja e shtetit, Vjosa Osmani i priti në takim liderët e partive politike në vend pasi dështoi të votohej “Qeveria Konjufca” të mërkurën.
Ky takim që diskutim i kishte zgjedhjet e jashtëzakonshme në vend u mbajt me dyert e mbyllura për publikun.
Por se çka u diskutua brenda tij, treguan kryetarët e partive që morën pjesë.
I pari i Partisë Demokratike të Kosovës, Bedri Hamza tha se është optimist për krijim të institucioneve pas zgjedhjeve.
Ai përsëriti edhe njëherë se nuk ka vija të kuqe me asnjë parti për koalicion.
Të gatshëm për zgjedhje u shprehën edhe Aleanca për Ardhmërinë e Kosovës.
Kreu i këtij subjekti, Ramush Haradinaj tha se do të garojnë të vetëm në këto zgjedhje.
Por si do të garojnë për këto zgjedhje, veçmas apo ndaras nuk kanë vendosur ende kryetari i Partisë “Guxo”, Faton Peci.
E kryetari i Nismës Socialdemorkate, Fatmir Limaj ka thënë që do të jetë pjesë e zgjedhjeve të parakohshme qoftë me koalicion, qoftë vetëm.
Në takim nuk mori pjesë Lista Serbe.
Ndërsa, kreu i Vetëvendosjes, Albin Kurti dhe ai i Lidhjes Demokratike të Kosovës, Lumir Abdixhiku nuk folën para medieve pas takimit.
Kurse, në këtë paraqitje, lideri i PDK-së, ai i AAK-së dhe NISMËS u shprehën që data 21 dhjetor është ideale për zgjedhje. Ndërsa kreu i partisë “Guxo” tha që data e duhur për procesin zgjedhor është 28 dhjetori.
