Fillimisht hezitonte të fliste rreth zgjedhjeve të reja, të parakohshme në katër komunat veriore.
Por, pas negociatave dhe insistimeve ndërkombëtare, kryeministri Kurti, pranoi që të pozicionohet për mbajtjen e zgjedhjeve të reja.
Mirëpo, për mbajtjen e këtyre zgjedhjeve, ministri i pushtetit lokal, Elbert Krasniqi thotë se duhet të ndiqen disa procedura.
Kjo procedurë që po proklamohet nga qeveria, për Eugen Cakollin, është më e vështira nga tri sosh sa ekzistojnë në praktikë.
Bile, ky po thotë se në rast se veriu shkon në zgjedhje në këtë formë, do të krijohet një precedent i rrezikshëm në të ardhmen.
Dy nga katër kryetarët në komunat në veri janë nga Partia Demokratike.
Nga kjo parti po thonë se i pari i qeverisë, Albin Kurti, s’mund të marrë vendim e as të flas për kryetarët që vijnë nga partia e tyre.
Ganimete Musliu po e tregon edhe arsyen pse.
Forma më e lehtë që po konsiderohet për organizimin e zgjedhjeve, sipas njohësve, është dorëheqja e kryetarëve apo edhe ndërrimi i vendbanimeve të tyre.
Mirëpo, kjo gjë nuk po mbështetet nga qeverisja qendrore.
Pas zgjedhjeve në veri, të cilat u bojkotuan nga serbët lokalë, katër komunat veriore u bënë me kryetarë shqiptarë, por të cilët kanë problem me legjitimitetin e tyre për shkak të daljes së ulët të votuesve në zgjedhje.
Kronika e realizuar nga gazetari Arton Rama
