Kryeministri i Shqipërisë, Edi Rama gjatë bashkëbisedimit në rubrikën “Sy m’sy” u shpreh se programi i Partisë Socialiste është i detajuar në çdo sektor.
Ai është shprehur se kanë mbi 250 mijë faqe negociata në tavolinë me BE-në dhe sipas tij, të gjitha ato janë program shteti.
“Programi ynë është program qeverisës i detajuar në çdo sektor, se po të mos kishim program të detajuar në çdo sektor, Bashkimi Evropian nuk na ulte në tavolinë, se mirë këneta ok, por BE nuk na ulte në tavolinë dhe nuk bënim dot negociata”.
Kemi mbi 250 mijë faqe negociata në tavolinë me BE dhe të gjitha ato janë program shteti, shtet-bërje, ju vazhdoni të dëgjoni kënetën, vazhdoni dëgjojeni, është e drejta juaj ta dëgjoni, jemi në demokraci dhe askujt nuk i ndalohet të bëjë zgjedhjet e gabuara, e merr vetë pastaj edhe përgjegjësinë edhe shijen e hidhur të humbjesh, që fatkeqësisht po s’më dëgjuat do ta ndjeni në 11 maj”, është shprehur Rama. /abcnews.al
