Konkursi për zëvendësimin e policëve që dhanë dorëheqje në komunat veriore, tashmë është zgjatur edhe për dhjetë 10 ditë.
Përmes një përgjigje me shkrim për tëvë1, nga Policia e Kosovës kanë treguar arsyet për këtë vendim.
“Siç jeni të informuar konkursi është hapur, përfshirë me kriteret që parashihen, ku deri më tani ka pasur kandidatë të interesuar nga komunitete të ndryshme për aplikim. Me qëllim të dhënies së mundësive shtesë, sikurse edhe në të kaluarën Policia e Kosovës ka vazhduar afatin e aplikimit në këtë konkurse të hapur për komunitetet pakicë, deri me datën 10 shkurt 2023”, thuhet në përgjigjen e Policisë.
Por ish-drejtori i këtij institucioni vlerëson se vazhdimi i afatit të aplikimit u bë për shkak se nuk ka pasur interesim për aplikim.
Anëtari i Komisionit për Siguri shton se pavarësisht shtyerjes, ky konkurs nuk do të jetë i suksesshëm dhe se sipas tij duhet një zgjidhje politike.
Policia nga ana tjetër po realizon takime nëpër komuna të ndryshme me të gjitha komunitet duke u bërë thirrje që të aplikojnë në këtë konkurs.
Madje, edhe kryeministri, Albin Kurti përmes një video-mesazhi u kishte bërë thirrje atyre të mos kenë hezitim për aplikim.
Kronika e gazetarit Lindrit Zejnullahu.
