Ministria e Arsimit, Shkencës, Teknologjisë dhe Inovacionit (MAShTI), ka njoftuar se është zgjatur afati i paraqitjes së provimit të maturës.
Sipas njoftimit nxënësin që nuk kanë mundur deri tani të aplikojnë kanë mundësi për këtë deri më 12 qershor.
“Ministria e Arsimit, Shkencës, Teknologjisë dhe Inovacionit (MAShTI)njofton të gjithë maturantët që për arsye të ndryshme nuk kanë aplikuar për paraqitjen e provimit të maturës se, afati për aplikim do të shtyhet deri më datë 12.06.2024 në ora 24:00 kurse afati i aprovimit nga shkollat deri më 13.06.2024 në ora 14:00”, thuhet në njoftim.
Deri më tani, përmes platformës e-Kosova kanë aplikuar për provimin e maturës 17460, kurse 15639 prej tyre janë konfirmuar nga koordinatoret e shkollave.
