Në mbledhjen e Komisionit Qendror të Zgjedhjeve është duke u bërë certifikimi i rezultateve të zgjedhjeve parlamentare të 9 shkurtit.
Në rend dite është edhe zëvendësimi i deputetëve të zgjedhur të cilët kanë hequr dorë.
Nënkryetari i Prishtinës, Alban Zogaj dhe Jehona Lushaku ka dhënë dorëheqje nga pozita e nënkryetarit të kryeqytetit, pasi që këta të fundit kanë siguruar votat për deputet në Kuvendin e Kosovës.
Ndërsa, kryetari i Pejës Gazmend Muhaxheri, kryetari i Lipjanit Imri Ahmeti, dhe Bedri Hamza, kryetari i Mitrovicës, kanë dhënë dorëheqje nga marrja e mandatit për deputet.
Sipas KQZ-së, Gazmend Muhaxheri zëvendësohet me Arben Gashi, Imri Ahmeti zëvendësohet me Paris Guri dhe Bedri Hamza zëvendësohet me Rashit Qalaj.
“Në ligjin për zgjedhje, kemi rastin për zgjedhje lokale të tretë persona janë që i shoh unë që kanë jep dorëheqje janë kryetarë komunash dhe ligji për zgjedhjet lokale neni 9 pika 3 përcakton saktë se nuk mundet me i mbajte të dy pozitat. Nënkryetari i Prishtinës, Alban Zogaj dhe Jehona Lushaku por këta që janë të drejtpërdrejt që zëvendësohen që kanë dhënë dorëheqje janë Imri Ahmeti dhe Gaz Muhaxheri janë të njëjtit rast të 2010 kanë dhënë paraprakisht dorëheqje para certifikimit. Bedri Hamza, kryetari i Mitrovicës ka dhënë dorëheqje. Dy kërkesat e para të Gazmend Muhaxherit dhe Imri Ahmetit i kemi pranuar me 17 mars, ndërsa këtë të Bedri Hamzës e kemi pranuar sot para këtij takimi, Gazmend Muhaxheri zëvendësohet me Arben Gashi dhe Imri Ahmeti zëvendësohet me Paris Guri dhe Bedri Hamza zëvendësohet me Rashit Qalaj ka deklaruar në mbledhjen e KQZ-së, kryetari i KQZ-së, Kreshnik Radoniqi./teve1.info/
