Grunder në fjalën e saj gjatë homazheve te memoriali “Kosova kujton” kushtuar viktimave të 11 shtatorit 2001 tha se SHBA-ja është thellësisht mirënjohës ndaj solidaritetit Kosovës në përkujtimin e kësaj ngjarje.
“Jemi thellësisht mirënjohës solidaritetit të Kosovës në përkujtimin e kësaj ngjarje solemne të 21 vjetorit të sulmeve të tmerrshme që ndodhën në New York, Pensilvania dhe Vergjinia 21 vjet më herët dhe që morën jetën e pothuajse 3 mijë personave të pafajshme”, tha ajo, shkruan teve1.info.
Zëvendësambasadorja e ShBA-së tha se kjo ceremoni si dhe inaugurimi i memorialit në Pejë sot për të nderuar viktimat e sulmit terrorist të 11 shtatorit 2001 në Shtetet e Bashkuara janë simbol i lidhjeve të forta mes dy vendeve.
“Ky është vetëm simbol i lidhjeve të forta dhe vlerave që populli i Kosovës dhe populli i Shteteve të Bashkuara të Amerikës kanë të përbashkëta dhe i ndajnë së bashku. Jemi me fat që kemi një partneritet kaq të qëndrueshëm dhe të fortë me Kosovën”, tha Grunder./Teve1.info/
