Analisti Adrian Zeqiri ka thënë se presidentja aktuale e Kosovës, Vjosa Osmani, ka mundësi të fitojë edhe një mandat të rradhës.
Sipas Zeqirit, Osmani ka të sigurta votat e Lëvizjes Vetëvendosje, mbështetjen e ish-presidentit amerikan, Donald Trump, si dhe mbështetjen e kryeministrit të Shqipërisë, Edi Rama, gjë që e bën atë një kandidate serioze edhe për votat e opozitës.
“Unë besoj se votën e LVV-së e ka, sepse nuk mendoj që LVV-ja është e interesuar të ketë edhe një palë zgjedhje tani. Nuk ka shanca reale që një kandidat i një grupi opozitar të thellësisht të përçarë ta mundë presidenten aktuale, veçanërisht duke pasur parasysh lëvizjet e saj të fundit në Bordin e Paqes me presidentin Trump dhe mbështetjen që e ka nga kryeministri Rama. Këto e bëjnë një kandidate serioze për t’u konsideruar edhe nga opozita, sepse nuk kanë ndonjë alternativë tjetër më të mirë,” tha Zeqiri në emisionin “Ditari” në Tëvë1.
Ndryshe, Mandati i presidentes aktuale, Vjosa Osmani, përfundon më 7 prill 2026.
Osmani, mori mandatin më 4 prill të vitit 2021, pas zgjedhjeve të parakohshme parlamentare që u mbajtën më 14 shkurt të atij viti.
Me partinë e saj Guxo, që ka qenë në listë të përbashkët me Vetëvendosjen, Osmani ishte personi më i votuar në ato zgjedhje, me mbi 300 mijë vota.
Ajo u zgjodh presidente nga Kuvendi i Kosovës në rundin e tretë të votimit, pasi mori 71 vota nga 82 deputetë sa ishin të pranishëm në seancën e zgjedhjes së saj./teve1.info/
