Kryetari i Zubin Potokut, Izmir Zeqiri, nga radhët e Partisë Demokratike të Kosovës, nuk ka vullnet që të rikandidojë për kryetar në qoftë se do të mbahen zgjedhje të reja atje.
Zeqiri thotë se nuk do të merrte pjesë në zgjedhje si pasojë e sfidave që i ka sjellë situata e tensionuar pas marrjes së mandatit.
“Jo, nuk kam vullnet edhe aq. Për shkaqe që ja edhe kjo situatë na sjelli shumë sfida. Nganjëherë besoj që mund të jem i papranueshëm, këtu çështjet janë më të mëdha në prapavijë, ka diçka përtej zgjedhjeve”, tha ai në emisionin “Ditari” në Tëvë1.
Zeqiri tha se nuk dëshiron të jetë një akter, i cili është i papranueshëm për qytetarët e Komunës së Zubin Potokut.
“Unë nuk po dua të mendoj nga ajo që unë mund të jem një akter i papranuar sikur që nuk dua të ia dhuroj vetit të drejtën që nesër do të jetë dikush i papranuar për mua, ta themi radhët e Listës Serbe, sepse rezulton me diçka që është edhe më negative të një ndarje etnike. Unë nuk dua të mendoj ashtu, mirëpo vërtetë kjo situatë qe sfiduese”, shtoi ai.
Dje, përfaqësuesi i Lartë i BE-së për dialogun Kosovë – Serbi, pas takimit me kryeministrin e Kosovës, Albin Kurti dhe presidentin e Serbisë, Aleksandar Vuçiq, ka deklaruar për zgjedhje të reja në katër komunat veriore dhe me pjesëmarrje të plotë të qytetarëve./teve1.info/
