Çështja e sigurimit shëndetësor vazhdon të diskutohet edhe më tutje në vendin tonë.
Përveç qytetarëve, pa këtë sigurim vazhdojnë të jenë edhe institucionet e sigurisë.
Kjo po konsiderohet se një e drejtë e vonuar.
Situata aktuale në pjesën veriore të vendit për më shumë se një muaj, përsëri vuri në pah nevojën që zyrtarët policorë ta kanë një sigurim të tillë.
Sipas kryetarit të Sindikatës së Policisë së Kosovës, Imer Zeqiri, buxheti i shtetit mund ta mbulojë financiarisht këtë kërkesë.
“Kemi kontaktu me drejtorin e Byrosë Kosovare të Sigurimeve dhe kemi kalkulu, kemi marrë një çmim për një vit, për policinë e Kosovës për sigurime shëndetësore sillej diku rreth 4 milionë 4 milionë e 500 mijë…Kjo nuk është shumë e papërballueshme”, thotë ai.
Nisur nga fakti se rreziku për këta të fundit është gjithmonë permanent, kryesindikalisti vlerëson se mos sigurimi i tyre është dëshpërues.
“Nuk është normale, nuk ka logjikë të themi se polici nuk ka sigurim shëndetësor dhe jetësor. Më besoni ne kemi kontakte dhe bashkëpunim dhe me sindikata të tjera të rajonit dhe të evropës. Kur ju them se nuk kemi sigurim shëndetësor më thonë “mos bën hajgare’”, shprehet Zeqiti
Mungesa e sigurimit shëndetësorë, po ua rëndon gjepin edhe qytetarëve kosovarë.
Madje njohësi i çështjeve të shëndetësisë, Bujar Vitia, nuk shpreson se finalizimi do të përmbushet as me qeverinë aktuale.
Ata pak qytetarët që kanë sigurime shëndetësore janë të siguruar vetëm përmes kompanive private.
