Kryetari i Zubin Potokut, Izmir Zeqiri, dyshon që shpërthimi i së mërkurës mbrëma, në objektin e Stevan Vuloviqit, ish- kryetar i Zubin Potokut, lidhet me një takim rasti që ata të dy kanë pasur një muaj më parë, për çka sipas tij Vuloviqi është sulmuar ashpër nga mediat serbe.
Sipas Zeqirit, target i sulmeve të tilla po janë personat e kabinetit të tij të cilët siç ka thënë ai ‘mbeturinat e grupeve kriminale me instruksione ndoshta edhe nga Serbia po mundohen t’i frikësojnë me këso sulmesh’.
“Para një muaji kemi pasur një takim të rastit dhe u ulem në një lokal për të biseduar dhe aty na fotografoi dikush prej anash, e natyrisht e lansuan atë fotografi dhe mandej mediat serbe bënë bujë të madhe, duke e sulmuar këtë gjoja se është tradhtar që po ulet dhe po bisedon me shqiptar, e mua duke më quajtur okupator e uzurpator. Nuk e di sigurt, por është problemi që këto kanë qenë paraprakisht ngjarjet, pra ai ka pasur sulm propagandistik përpara shpëthimit nga ana e mediave serbe, është sulmuar ashpër vetëm për një fotografi që krejt takim rasti kemi pasur, kështu që unë mendoj se lidhen pak a shumë me këto gjëra, sepse target i sulmeve po janë ata persona që janë në kabinetin tim dhe bashkëpuntor të mi, kështu që unë besoj se këto mbeturinat e grupeve kriminale do te thotë marrin ndoshta edhe ndonjë instruksion edhe prej së jashti siç është Serbia dhe natyrisht përdorin këso lloj sulmesh për t’i frikësuar njerëzit që të mos afrohen apo inkuadrohen në sistemin e Kosovës”, ka thënë ai në emisionin “Ditari” në tëvë 1./teve1.info/
