Gazetari Florent Zeqaj ka deklaruar se pas zgjedhjeve lokale, ekziston mundësia që Kuvendi i Kosovës të shpërbëhet.
Në emisionin “Këndi i Debatit” në Tëvë1, Zeqaj tha se asnjë parti nuk ka treguar guxim politik për t’i dalë përballë sfidave aktuale të shtetit të Kosovës, për këtë edhe procesi për t’u konstituuar Kuvendi ka zgjatur më shumë se gjysmë viti.
Ai theksoi se situata aktuale është më e ndërlikuar se më 15 prill.
“Deri tash s’kanë pasur gatishmëri politike, këtu është problemi. Asnjëra parti nuk ka pasur vullnet e guxim politik për t’i dalë përballë situatave politike, në të cilat sot është shteti i Kosovës. Më keq është sot se më 15 prill. Kjo e sotmja është për t’i mbuluar në një formë marret e gjashtë muajve, zhegitjet e gjashtë muajve. Njëherë e bëri PDK-ja, kur e votoi Bashën, tash e bëri LDK-ja që e votoi Rashiqin. Krejt në rregull, por kjo marrëveshje është për t’u marrë vesh për mu prish marrëdhëniet. Do të thotë Kuvendi, gjasat janë që pasi që të kryhen zgjedhjet lokale ose balotazhi që të shpërbëhet Kuvendi”, deklaroi ai.
Ai shtoi se kjo situatë reflekton mungesën e dialogut dhe koordinimit politik, duke paralajmëruar zhvillime të mëtejshme në skenën politike pas përfundimit të zgjedhjeve lokale.
