Gazetari Floren Zeqaj ka deklaruar se ekzistojnë diskutime ndërmjet Lëvizjes Vetëvendosje dhe Lidhjes Demokratike të Kosovës për një bashkëpunim të mundshëm rreth zgjedhjes së Presidentes.
Zeqaj këto deklarata i bëri gjatë paraqitjes së tij në emisionin “Këndi i Debatit” në TëVë1, ku tha se, bazuar në informacionet që ai posedon, po zhvillohen negociata mes dy subjekteve politike për sigurimin e votave.
“Në bazë të informacionit që kam, ka diskutime ndërmjet LVV-së dhe LDK-së për çështjen e Presidentes. Lumir Abdixhiku e ofroi dorëheqjen, por ajo nuk u pranua, dhe me gjasë do ta kemi sërish atë në krye të LDK-së. Me këto qëndrime që po shihen, brenda LDK-së dhe LVV-së ka negociata për votat për Vjosa Osmanin”, ka thënë Zeqaj.
Ai ka shtuar se këto zhvillime i sheh si pozitive, pasi, sipas tij, aty ku ka negociata, ka edhe mundësi për marrëveshje.
“Është lajm i mirë, sepse nëse ka negociata, ka edhe marrëveshje. Dukshëm po punohet në atë drejtim”, ka theksuar Zeqaj.
