Mesfushori i Elfsborgut, Besfort Zeneli, ka thënë se ëndrra e tij ka qenë të luajë për Suedinë.
Ai thotë se refuzoi ftesën e Kosovës pasi në rast të paraqitjes me fanellën drdane, nuk do të kishte më mundësi të luante për Suedinë.
“Kur u ftova nga Kosova, ndjeva sikur doja të mendoja pak më shumë. E dija që nuk do të grumbullohesha në atë kohë për ekipin A suedez, por ndjeva se duhej të mendoja më tej, sepse nëse luaj një ndeshje për Kosovën, do të isha i bllokuar. Nuk doja të bllokohesha. Ndihesha sikur dua të luaj për Suedinë. Nuk e di se kur do ta kisha rastin, por ëndrra ka qenë gjithmonë të luaj për Suedinë”, ka thënë Zeneli të mërkurën në një intervistë për mediumin e madh suedez “Aftonbladet”.
Zeneli 22-vjeçar luajti gjashtë ndeshje për Kosovën U21. Ai është ftuar nga Suedia për ndeshjet e muajit mars.
