Deputeti i LDK-së, Armend Zemaj ka thënë se partia ku bënë pjesë ai nuk ka ndryshuar qëndrim sa i përket votimit të sotëm në Kuvend, ku kandidate wshtw Albulena Haxhiu.
Ai tha se siç duket kjo situatë është duke i konvenuar kryeministrit në detyrë, Albin Kurti.
“Ne presim të reflektojë LVV, të sillet konform rezultatit zgjedhor, por duket që nuk kanë interesim, nuk kanë marrëveshje me ndonjë subjekt politik që siguron mandatimin e Qeverisë… Nuk mund të ndryshojmë qëndrim sepse është e paarsyeshme dhe tepër e papërfillshme… Ne kemi një heshtje të kryeministrit, siç duket i konvenon kjo situatë… “, ka deklaruar ai.
Ndërkaq, për idenë që në zgjedhjet lokale të mbahen edhe ato parlamentare, Zemaj tha se “kushdo që mendon t’i kemi dy palë zgjedhje s’ia do të mirën këtij vendi”.
