Deputeti i Lidhjes Demokratike të Kosovës, Armend Zemaj ka thënë se shefi i ri i CIAS John Ratcliffe, llogaritet si një nga personat e së ardhmes në SHBA.
Zemaj ka thënë se ai madje flitet se do të jetë edhe president i ShBA-së në një të ardhme, duke thënë se i gëzohet faktit që Ratcliffe është e emëruar në këtë pozitë.
“Gëzohem shumë që tashmë e ka këtë pozitë. Kam dëgjuar që ky është e ardhshmja e ShBA-ve dhe tashmë kjo po dëshmohet. Mund të jetë, edhe unë e shoh, nuk dua të jap sugjerim, por ky shihet se do të jetë edhe presidenti i ardhshëm kurdo i ShBA-ve. Është një njeri që ka reputacion të mirë dhe ka përkrahje nga mbrojtja e Amerikës”.
Zemaj ka thënë John Ratcliffe me të cilin kishte zhvilluar disa takime është mik dhe përkrahës i shqiptarëve.
