Sipas Zemajt, Qeveria po e sheh popullin e vet si të varfër dhe të cilin e mban nën kontroll, duke shtuar se kjo qasje është e papranueshme.
“Ndoshta është një lloj strategjie që populli të mbahet nën presionin social. Gjatë gjithë ditës së sotme kemi pas deklarime që janë subvencionuar lehonat, janë subvencionuar gjelltoret, ato të ushqimit. Paramendojeni në shekullin 21 një qeveri demokratike që pretendon me zhvillu vendin e sheh i avancë që ka pagu këto ushqimoret falas që jipen. Dmth e sheh popullin e vet si në një farë forme të izoluar, të varfër, dhe të cilin e mban nën kontroll. Jo, kjo qasje është e papranueshme për neve dhe është e papranueshme për të gjithë qytetarët, sidomos për pjesën e rinisë e cila kërkon jetë dhe perspektivë më të mirë në Republikën e Kosovës”, tha Zemaj në emisionin “Info Nata” në Tëvë 1.
Deputeti i LDK-së potencoi se Qeveria është bërë pjesë e panikës, ku sipas tij, njëjtë ka vepruar me pandeminë, e njëjtë po vepron edhe tani.
“Qeveria është bërë pjesë e panikës për blerjen në panikë. Njëjtë ka vepru edhe me pandeminë, masat që janë marrë, ju e dini dhe të gjithë qytetarët e dijnë, edhe vitin e kaluar edhe këtë fundvit janë ndërmarrë masa në panikë, vetëm kur ka shpërthy infeksioni..kjo e njëjta po ndodh edhe tash në aspektin ekonomik edhe social të zgjidhjes së këtij problemi. Për këtë arsye ne kemi propozuar shumë saktë një rezolutë me shumë pika, të cilat kanë intervenim dhe janë të shpejta dhe në mnëyrë shumë koncize i zgjidhin këto problematika”, u shpreh Zemaj. /Teve1.info/
