Armend Zemaj, deputeti i LDK-së është deklaruar për media para se të filloj seanca e 30-të e konstituimit të Kuvendit të Kosovës.
Ai ka thënë se bllokadë ka ardhur pasi Kurti nuk dëshiron as të ofroj as të gjej një zgjidhje “por me kryeneçësinë politike vazhdoj të mbaj peng institucionet e Republikës së Kosovës”, ka thënë ai.
Në lidhje me pjesëmarrjen e zëvendëskryeministrit në detyrë, Besnik Bislimit në takimin në Bruksel ai është shprehur se “reagimi i LDK-së dje ka qenë korrekt sepse dalim joserioz edhe para ndërkombëtarëve dhe miqve të Kosovës”.
Ai ka thënë se LDK e mbështet propozimin e saj për Qeveri kalimtare, derisa ka thënë se do të dalin me propozime konkrete se cilat janë pikat që mund të filloj dhe mund të përfundoj një afat i shkurtë dhe kjo është mundësia jonë politike.
“Andaj sa më shpejt që ka thirrje të ndërgjegjes së zotit Kurti dhe të tjerëve, që ta kemi konstitumin e Kuvendit, dhe të kemi institucionet e reja, në fund të fundit, kur njerëzit nuk bashkëpunojnë atëherë janë elementet demokratike dhe kushtetuese që ne duhet tu japim zgjidhje. LDK e mbështet propozimin e saj për qeveri kalimtare, do të dalim me propozime konkrete se cilat janë pikat që mund të fillojë dhe mund të përfundojë në afat të shkurt”, ka deklaruar ai.
Në lidhje me protestën e bizneseve ai ka thënë se e përkrahin pasi që “mafia energjetike ka futur duart thellë në buxhetin e Kosovës por më së shumti në xhepin e varfër të qytetarëve që i dëmton edhe bizneset por na rëndon edhe neve jetën”.
“Mendoj se protesta duhet të jetë më e madhe edhe nga pjesa e politikës edhe nga gjithë tjerët që mos të lejohet të zhvatet buxheti i Kosovës nga njerëz që kanë vetëm interesin financiar. Nëse do të ftohemi do të marrim pjesë, sepse faturat e fundit i prekin edhe familjet jo vetëm bizneset dhe sigurisht vjeshta dhe dimri do të jenë të papërballueshme.”, ka shtuar Zemaj.
