Pas dështimit të përpjekjes për konstituimin e Kuvendit të Kosovës, deputeti Armend Zemaj nga LDK, ka deklaruar para medieve.
Ai është pyetur për pagën që marrin deputetët, edhe pse Kuvendi nuk po konstituohet.
“Nuk vendosi unë për pagën, është çështje procedurale dhe ligjore. Puna po bëhet, seancat thirren sipas rregullores. Deputetët kanë detyrim të marrin pjesë dhe të përfaqësojnë qytetarët, kjo është përgjegjësi kushtetuese,” tha ai.
Zemaj tutje shtoi se përkundër mungesës së vendimmarrjes, prania në Kuvend është detyrë që po përmbushet nga shumica e deputetëve.
