Ish-ministri i Shëndetësisë, Armend Zemaj ka akuzuar Qeverinë Kurti për degradim të sektorit të shëndetësisë.
Zemaj në një postim në Facebook ka shkruar se interesimi i kësaj qeverie nuk është në menaxhim e as në avancim të shërbimeve shëndetësore.
“Qasja në sektorin e shëndetësisë nuk ndryshon. Ndaj, dështimi e degradimi vazhdon. Interesimi i kësaj qeverie nuk është menaxhimi e as avancimi i shërbimeve shëndetësore, këtë e kemi thënë që nga fillimi. Interesimi kryesor i kësaj qeverie mbetet kapja e pozitave nga militant politik; filluan me Bordin e SHSKUK, menaxhmentin, bordet profesionale e tashmë kanë arritur interesin primar e që del të jetë i madh “prokurimin e tenderët një burimor”, dmth pasurimin e jo ruajtjen e shëndetit publik”, ka shkruar ai.
Tutje, ai tha se vetëm për 4 muaj kanë ikur 104 mjekë dhe infermierë.
“Ndërsa, mjekët largohem çdo ditë, qindra mjekë dhe infermierë po ikin; vetëm për katër muaj të këtij viti, 104 kanë ikur. Zoti i ruajt mjekët e infermierët e mbetur në vend si dhe pacientët që kanë nevojë për shërim!”, ka shkruar ai./teve1.info.
